法乙今晚開鑼，新升班球隊往往會喺季初賽事，憑一股新生衝勁踢出超水準，因此今次重點推介，梅斯主場對拉瓦勒，要主勝。梅斯闊別一季，就重返乙組，證明球隊根基唔錯，經過反省之後，勢必大打爭氣波，以免重蹈覆徹。拉瓦勒上季僅驚險護級成功，以波論波並唔高得過梅斯。一支升班馬首仗竟然要讓半一，明顯備受莊家睇好，一於簡單要梅斯1.76倍主W。

　　(周六凌晨2時開賽)

　　梅斯屬於法國球壇著名球隊，07/08球季仲喺法甲比賽，但之後每況愈下，上季淪落至踢丙組。不過降班亦令球隊有喘息機會，重新改組，所以能夠迅速升回法乙。梅斯保留大部分升班功臣，保持球隊凝聚力，近期熱身賽更擊敗法甲羅連安特，打和比甲勁旅安德列治，延續上季銳勢，難怪獲得莊家睇好。

　　拉瓦勒上季死過翻生

　　拉瓦勒上季排尾四，僅僅逃過一劫，呢間細球會主場只可以容納一萬三千多人，本身財力緊絀，難以擴軍增強實力。預料拉瓦勒今季只能繼續為護級而戰，面對來勢洶洶嘅梅斯，前景悲觀。

　　另外，卡昂上季差些少未能取得升班資格，捲土重來戰意高昂，而且近四次主場對迪安，取得三勝一和，主勝可取。