英冠開鑼，投注重心擺喺頭場般尼主場對保頓。保頓領隊費曼有料到，經過上季磨合期後，本季表現必更上一層樓，難怪被外地傳媒睇好能挑戰升班席位。般尼神射手查理柯士甸已經離隊，攻力大為削弱，平手盤捧客軍!

　　(周六晚7時15分開賽，馬會網上文字直播)

　　般尼失入球泉源

　　費曼於教水晶宮時期，已證明自己係英冠其中一個最佳主帥，去季轉帶保頓，聯賽一度取得六勝二和不敗走勢，最後未能殺入前六，只係季初失分太多，只要多畀時間費曼，保頓威力不容小覷。雖然放走隊長奇雲戴維斯，不過蘇杜爾、李青龍、伊高斯仍在陣中，加上簽入碧福特，保頓力足於揭幕戰旗開得勝。般尼最佳球員，為上季名列射手榜第三嘅查理柯士甸，不過佢已過檔昆士柏流浪，般尼群龍無首捧保頓。

　　另一場白禮頓作客列斯聯，白軍季前炒領隊普耶非明智之舉，相反列斯聯領隊麥達莫屬有料之人，平手盤捧主隊。米杜士堡主場對李斯特城，米堡於莫比利麾下冇腳好波，平手盤捧「狐狸」。