伊巴謙扭計 白蘭斯冇符

　　法國冠軍盃今晚移師中立場加蓬嘅利伯維爾迪安高積球場舉行，由上季聯賽盟主巴黎聖日耳門(PSG)，硬撼法國足總盃冠軍波爾多。雖然PSG球星如雲，但新帥白蘭斯堅持簽入烏拉圭神鋒卡雲尼，惹來首席射手伊巴謙莫域不滿，隨時玩死自己，加上近年波爾多對親PSG亦不落下風，不妨冷吼2.65倍「讓球客勝」。(now 714周日凌晨2時45分直播)

　　今夏PSG經歷大震盪，先有教練安察洛堤跳槽皇家馬德里，體育總監李安納度亦決定劈炮唔撈，做到8月尾就離職，搞到陣內人心惶惶。PSG搵來前法國隊領隊白蘭斯掌舵，不過佢上任後決意買入拿玻里高大中鋒卡雲尼，擺明係想用呢位烏拉圭神鋒，取代已經31歲嘅上季神射手伊巴謙莫域，激到伊巴生蝦咁跳，雖然白帥強調兩人可以共存，但現階段只係面和心不和，為球隊埋下計時炸彈。

　　由於兩大新兵卡雲尼及馬昆奴斯哥利亞不在此役大軍名單，即係話PSG今仗要靠伊巴謙莫域數胡，上季呢位瑞典箭頭屢建奇功，幾乎憑一人之力替球隊重奪聯賽鍢耍涟鸵幌騻S性格巨星，依家畀白蘭斯咁樣玩法，仲點會 佢支笛呀。上仗熱身賽對皇馬，伊巴未上力之餘兼頻頻犯規，咁鬼情緒化實在靠唔住，睇嚟白蘭斯都係舞唔掂呢位瑞典前鋒。

　　波爾多防守頂得兩嘴

　　儘管波爾多毫無星味，但勝在團結一致，加上主力守將龐迪治剛與球隊續約兩年，士氣大振，況且佢哋對住PSG特別有計，之前六次交手有五次不敗，證明其防守有效，今仗「讓球客勝」抵玩，另可考慮埋入球細。