尾场初升班嘅布伦瑞克主场迎战云达不来梅，两支球队都喺德国盃遭遇滑铁卢，双双于首圈被低组别球队淘汰出局，预期今季前景会十分困难，但相比之下不来梅球员经验同质素始终胜一筹，今仗作客小让平半仍可取，宜敲上盘。

　　(有线61及64台周日凌晨零时30分直播)

　　布伦瑞克以上季德乙第二名身份升班，但呢支小球队已阔别德甲28年，阵中球员大都欠缺德甲经验，而且财力有限冇钱扩军，最惨係佢哋上季升班嘅头号功臣，全季入19球荣膺德乙神射手嘅甘比拿因伤缺阵，对球队战斗力打击甚大。

　　云达不来梅喺体育总监K阿罗夫斯同忠心主帅舒哈夫两位最佳拍档离队后亦大受打击，不过新帅杜特过去喺德甲交出嘅成绩都唔算差，阵中始终拥有伊基斯、肯特、阿拿奥杜域同尼斯彼德臣等攻击好手，计质计经验都胜主队一筹，即使作客都可以秤先多少。