负分起步追杀波尔多

　　有钱唔係万能，但冇钱就万万不能!暑假与巴黎圣日耳门(PSG)大玩「军备竞赛」嘅升班球队摩纳哥，今晚喺法甲首轮作客波尔多，由于摩军被扣两分起步，若想挑战PSG嘅王者地位，务必尽快收复失地，好彩佢哋重金请来「波图三宝」法卡奥、占士洛迪古斯及摩天奴，质素超晒班，小让平半博得过。

　　(now 714周日凌晨3时直播)

　　在俄罗斯富豪鲁博洛夫列夫呢支大水喉射住之下，摩纳哥今夏豪花1.44亿欧元(约15亿港元)扩军，比使咗1.14亿欧元嘅圣日耳门仲要多，其争霸野心路人皆知。岂料未开波先吃一记闷棍，上季摩纳哥于乙组对勒芒之役因发生球迷骚乱，因此畀赛会扣咗三分，虽然有一分为缓刑执行，但仍要以负两分起步。

　　「波图三宝」默契一流

　　不过，摩军主帅云尼亚里胜在兵多将广，唔单止有射术精湛嘅马体会箭头法卡奥，其身边仲有两名前波图队友占士洛迪古斯及摩天奴，三人夹惯夹熟够晒默契，唔愁破关乏术。

　　上周法冠盃波尔多演出唔曳，可惜质素所限，畀圣日耳门喺补时阶段反胜，亦反映出就算PSG及摩纳哥状态未弗，只要佢哋班球星肯砌，法甲冇乜边队能抵挡得住。波尔多上周输畀PSG已经元气大伤，今晚仲要遇上急于抢分嘅摩纳哥，睇嚟都係冇运行，摩军个上盘有2.04倍分头唔错，有买趁早。