执教一间球会同管理一间博彩公司有唔少相似之处，话事人一定要够硬淨，有魅力同管治威信，咁先可以喺业界建立名声，帮公司打好根基。正所谓蛇无头不行，有个超级领袖带住真係好紧要，否则叻极有限!

　　曼联今夏失去传奇教头费格逊，气氛完全唔同晒，新帅莫耶斯係有料，但只擅教中型班，同带住超级大会「红魔鬼」係两回事，淨係睇佢增兵处处碰壁，已经知道佢牙力有限。喺处理朗尼离队危机，莫耶斯亦显得束手无策，充分反映佢同老费差距有几大。「红魔鬼」今晚于社区盾对住英冠队韦根，表面高两班，实际无甚优势，让到球半、两球太多，博下盘。

　　依家欧洲大部分联赛处于季初阶段，肥叔几时都同大家讲，呢个时候係发掘银行队最佳时机，最好就係吼升班球队，贪佢哋进入升轨后势头好。今晚法甲赛事甘冈主场对马赛，升班球队甘冈主场好恶，有力偷鸡，呢隻下盘咪走鸡。(周一凌晨3时开赛)