越南碧咸闪亮札幌迎国宝

　　「越南碧咸」黎公荣空降日乙隆重登场!黎公荣家有索女歌手娇妻Thuy Tien，但仍加盟日乙球队札幌冈萨多，全为挑战自己，会方亦视呢位越南球王为救世主，已安排佢做死球专家。札幌冈萨多今轮主场迎击FC横滨，黎生赛前刚当选最佳东南亚球员，人气爆灯，今场梗係撑主队啦!(周日下午2时开赛)

　　现年27岁嘅黎公荣被封为「越南碧咸」，查实佢同英格兰巨星碧咸又的确有唔少相似之处，佢喺越南係No.1人气球星，而且同样娶咗个女星做老婆。黎太Thuy Tien係越南着名歌手，同黎公荣被视为金童玉女，两人经常出现喺当地娱乐版，真係有啲碧咸同辣妹feel。唔止咁，黎生同「万人迷」一样都係死球专家，佢仲抄足费高同C朗踢法，真係几好波o架!

　　黎公荣09年曾远赴葡萄牙効力历索斯，但不被重用最终黯然返国。今次成为日本史上首个越南外援，获得札幌冈萨多高度重视，加盟冇耐已被安排处理死球，喺队中扮演重要角色。黎公荣日前于goal.com最佳东南亚球员选举中获得68.6%票数支持当选，佢话好期待今场同日本国宝三浦知良过招，冈萨多有咗呢个大红人帮手，小让平半可秤先。

　　飞脚超班大起黄蜂

　　同日日乙一哥大坂飞脚主场对福冈黄蜂，飞脚两大新兵阿迪菲尔奴同宇佐美贵史踢到上晒身，大军对上三战场场入三粒，火力太劲，搞到班友只攻不守，今战继续大踢进攻足球，首选入球大。(周日下午5时开赛)