踢德乙实力超晒班

　　今季德乙开锣后，有两大「宝藏」浮出水面，分别係格雷特霍夫及比勒费尔德。格雷特霍夫由德甲降落来乙组，水准有超班之感，等閒之辈难同佢哋抗衡，今仗作客卡尔斯鲁厄又係数胡时候，庄家开出平手盘，客军够晒抵玩。 至于比勒费尔德凭一股升班马锐气愈战愈勇，季初仲有得威，主场赢到柏达邦。

　　格雷特霍夫能够成为唯一一支3战全胜球队，好大程度上係因为留得住迪祖迪积等主力，新兵苏卡奴及梅连斯基表现亦对办，两人上仗各建一功，协助球队反胜凯沙罗顿，格军能够高居榜首，绝对实至名归。格雷特霍夫目标好清晰，就係重返德甲，唔会放过任何抢分机会。

　　升班马卡尔斯鲁厄表面上係「二哥」，但要留意3场对手FSV法兰克福、圣保利同恩高斯达特均属平庸之辈，卡军根本未受过真正考验。同埋佢哋之前一直踢顺境波，若然今仗先失波随时阵脚大乱，点都係级数佔优嘅格雷特霍夫秤先。(有线64及203台周六凌晨零时30分直播)

　　比勒费尔德当头起要捧

　　另一支新升班球队比勒费尔德自首仗不敌格雷特霍夫后愈战愈勇，仲喺德国盃爆冷击败德甲布伦瑞克，上仗联赛再靠博到12码全取3分，连运都赢埋，难怪已获庄家睇好，今仗小让平半，宁捧当头起，博上盘!(周六凌晨零时30分直播)