初试啼声，梗係要稳阵啲好，小妹呢个礼拜专心鑽研有线球彩台同高清203同步直播嗰场浦和红鑽主场对大分三神嘅赛事。我就睇好红鑽可以轻取对手!点解呢?有主场之利仲要对住榜尾嘅三神喎，相信都好难甩拖囉!(有线64及203台周六下午5时直播)

　　三神叠埋心水返日乙

　　红鑽依家同榜首嘅广岛三箭相距5分，话多唔多话少唔少，球队摆明冇失分空间，若然再被对手抛甩，冠军就会愈离愈远!红鑽呢场波3分可以话无走鸡，因为榜尾嘅三神喺联赛只係赢过新潟天鹅。而且自日职喺七月重开以来，佢哋七场波只係得两和五负未赢过，咁嘅战绩可以话完全唔够班踢日职，睇怕佢哋依家都係等日子尽快过去，叠埋心水下季返日乙。

　　红鑽前线攻击组合原口元气同兴梠慎三表现出色，佢两个今届喺联赛入咗14球，其中兴梠慎三有6个入球全部嚟自主场，加上那须大亮嘅后上助攻不时有斩获。红鑽依家能够排喺第三，都係同球队攻力强劲有关，好多时仲係下半场以「狂风扫落叶」姿态，喺最后15分钟大扫一轮，咁就射入咗17球喇!红鑽有主场又有脚头，三神势弱兼未够班，呢场拣「让球主胜」就啱数啦!