英超近年一直係全球最受欢迎嘅联赛，不但球迷多，连投注额都多过人，世界各地庄家都好锺意呢个赛事。但近年英超发展已去到饱和阶段，最大问题係赛事水平下降，明显畀西甲超越，依家连德甲都开始发力，真係恶搞，新季有名帅莫连奴回归车路士，又睇吓有冇突破性发展。

　　财政稳健 德甲前景看俏

　　环顾现今欧洲球坛，升势最劲一定係德甲，无论赛事、球员同球会领导层质素都好高，随时爬过英超头。德甲球会理财有道，唔似英格兰球会咁轮住爆煲。依家德甲最具代表性嘅球会之一係多蒙特，全世界大球会都想抢走佢哋班优质球员，真犀利!

　　西班牙球坛陆续浮现财政问题，影响联赛发展，名帅哥迪奥拿有先见之明晨早离场，新季喺德甲会有更佳发展。

　　讲番今日推介，升班球队水晶宫会喺伦敦打吡战主场斗热刺，论级数热刺起码高一班，不过，呢班波开季受到加里夫巴利离队传闻影响，备战气氛麻麻，唔好睇得太高。

　　水晶宫摆明输质素，但升班首战主场出击必搏，呢点非常重要，呢类球队纯打斗志，分分钟畀到惊喜大家，今次主场受让半一好着数，下盘博得过!(now 620及621周日晚8时30分直播)

　　肥叔心水

　　水晶宫 下盘

　　纽伦堡 上盘

　　侯城 下盘、大

　　奥沙辛拿 细

　　皇家马德里 大

　　马德里体育会 平手盘