今日阿King集中睇南球盃，老实讲，依家只係第2圈首回合，球队实力未必好超，简简单搵三场细过关，利斯菲体育会对纽迪高、天主教大学对艾美历克同伊基达对哥比路亚，三串一炒埋有4.5倍都唔错。

　　纽迪高对利体会冇甜头

　　先讲利斯菲体育会对纽迪高呢场巴西球队内讧，纽迪高话就话甲组，但依家包紧尾，而且近三场未入过波，对住利斯菲体育会冇甜头，但利军亦唔见好叻仔，主场都未必稳胜，不如拣细。

　　智利榜首球队天主教大学係南美盃赛常客，理论上见惯世面，呢啲场合唔会脚软，可惜班中前场呢排脚头无灵，球队陷入低潮，厄瓜多尔球队艾美历克作客打低一皮波，今仗会以防守为主，相信两军对碰入波唔多。

　　至于哥伦比亚球队伊基达一样陷入入球荒，纵有主场之利亦唔係咁易破门，智利嘅哥比路亚上圈曾作客击败乌拉圭彭拿路，但只因对手表现走样，不宜作准，盃赛场合首回合最紧要稳，都係拣番个入球细好啲。