英超上周正式重开，睇番整体投注额，佢哋仍然係全个欧洲所有联赛之中最高，呢啲係惯性收视，冇得倾!至于德甲波就愈来愈多人玩，投注额显着上升，已经开始发力追紧英超，呢个联赛制度好，水平又高，依家已经係欧洲其中一个大受欢迎嘅赛事，嚟紧随时有力威胁英超龙头地位。

　　些路迪上盘搵真银

　　至于欧联就係全球最受欢迎嘅盃赛，列强要为名利而战，现阶段去到终极外围赛附加赛，胜方可以杀入分组赛，到时讲紧嘅奖金亿亿声，真係唔讲得笑，唔使担心各队心态，所以班行家都好放心开盘!

　　为咗维持呢个大赛嘅形象，欧洲足协严打假波部队，佢哋关注各支参赛队伍嘅底细，提防有人搞搞震。乌克兰球队米达列斯被爆打假，因而率先被开刀，总之欧联参赛球队一定要清清白白，绝对唔容许有不法分子潜入嚟搵食。

　　今次重心赛事都係拣场欧联外围赛附加赛，苏超名牌球队些路迪作客哈萨克代表卡拉简迪，自从苏格兰老牌球会格拉斯哥流浪降班后，苏超形成些路迪一队独大局面，其实咁样并唔健康，直接影响当地联赛发展。

　　些路迪喺国内冇晒对手，反而搵少好多钱，必须喺欧联争取佳绩，先可以增加收入平稳发展，佢哋视欧联係今季第一重点赛事，今场对手唔算好强，小让平半合理，上盘捧得过!

　　(有线61及64台周二晚11时直播)

　　肥叔心水

　　些路迪上盘

　　辛尼特上盘

　　燕豪芬平手盘

　　韦根上盘