西班牙班霸巴塞隆拿开季联赛首战赢到利云特完全冇得踢，半场已经轰入六球，真係夸张到不得了!呢场赛前有大户出手玩细盘，睇嚟认为巴塞刚开咧要时间热身，点知呢队波竟然赢到开巷，唔少跟风客走地再追细，结果真係焦头烂额啦!巴塞赢完呢场又成擂台趸，但佢哋弗番唔係人咁品，千祈唔好乱反。

　　至于今晚继续都有欧联外围赛附加赛举行，土耳其球队费伦巴治之前曾捲入假波桉，因该队向体育仲裁法院上诉才暂时冻结停赛令，若败诉便即时冇得玩。费伦巴治个底花咗，难免会有啲人带住有色眼镜睇佢哋，但大家都唔使担心太多，讲到尾欧联都係超级大赛，监察力度特别强，相信冇乜人够胆以身犯险，加上欧联係超高奖金赛事，搏命打真军争位好过啦!费伦巴治主场有恶气，应该顶得住阿仙奴㗎。

　　名牌效应带旺日乙

　　日本足球联赛发展愈来愈成熟，不但日职多人玩，连日乙生意都愈来愈好，主要因为有好多名牌球队打紧日乙，大坂飞脚近期係咁赢，但呢班波例牌扯飞，成日都让得多，比较难搞。

　　另一支劲旅神户胜利船近况稍有回落，但呢队波主塲评级好高，今次返到自己地头对住东京绿茵，绝对有力赢波反弹，呢场可捧上盘!

　　(周三晚6时开赛)