本周德乙直播赛事为奥厄主场对科特布斯，暂时德乙踢咗4轮，其中一支表现最反覆肯定係奥厄，佢哋头两场联赛胜出之后突然大趺Watt，连同盃赛及联赛录得3连败。似乎奥厄团火已经熄咗，对住争取升班资格嘅科特布斯难有甜头，客W有超两倍分头，捧得过。

　　(有线64及203台周六凌晨零时30分直播)

　　奥厄季初头威头势连赢，点知强势未能持续，本月初先喺盃赛畀低组别球队奥斯纳贝克劲数3蛋，及后返联赛对住阿伦及凯沙罗顿都输波而回。奥厄受到挫折之后，未必可以喺短期之内重拾信心，就算主场出击都有保留。其实喺对赛往绩方面奥厄都处于弱势，近6次对赛输咗4次，睇嚟佢哋今场都几难反弹。

　　辛洛高脚风顺

　　科特布斯今季主要目标係争上德甲，论球员质素当然喺对手之上，切勿因作客就轻视佢哋。特别要留意上周科特布斯以5比1大数阿伦，球队尽显强大入球能力，其中科特迪瓦国脚辛洛高已经取得6个联赛入球，今场面对奥厄随时再有进帐。可以讲科特布斯愈踢愈进步，要赢奥厄唔係难事。