新一季意甲正式开打，衞冕球队祖云达斯头炮作客森多利亚。森多利亚今季阵容单薄欠星味，就连最有前途新人莫路伊卡迪都畀国际米兰撬走，巨高对呢班波就唔睇好，相信质素高一皮嘅祖云达斯可轻胜对手，2.25倍「让球客胜」可捧。

　　(周日凌晨2时45分开赛，马会网上文字直播)

　　森多新会长冇心搞波

　　森多利亚正选阵容真係弱到冇朋友，除咗队长柏林保较有名气之外，其他球员都名不见经传。其实自前会长列卡路加朗尼于今年初不幸离世后，唔少「森多」球迷都对球会前景极之担忧，纵然加朗尼家族传人伊度亚度仍然统领着球队，但佢嘅影响力及资源投放都及唔上老父，伊度亚度根本冇心搞波。大胆讲句，森多利亚正逐渐步入黑暗时代，要保住甲组席位唔容易。

　　祖云达斯係意甲其中一支财政稳健嘅球队，于转会窗亦较森多利亚积极得多，今年夏天祖云达斯就收购咗泰维斯以及奥邦拿，另一名前锋洛兰特则以自由身加盟。祖云达斯为前场注入新血后，战力比上季更加强劲，开锣日作客亦毋损球队争胜机会，一于强捧祖记旗开得胜。