来势汹汹挑战祖记擂台

　　寻日讲过英超及欧联等赛事每场平均单注投注额有几多，今次同大家讲吓意甲咩情况，根据上季经验，意甲普遍赛事每枪(单注)大概係十万左右，部分大庄多少少，斋计个额算係一线联赛，但拍埋英超度点都差啲，淨係睇新季赛事香港冇直播，已经知道呢个联赛流失咗唔少捧场客。

　　对香港球迷同博彩人士嚟讲，意甲近年走咗好多球星，吸引力大减，不过，内地仍然好多朋友非常锺意呢个联赛，早年意甲处于盛世，喺内地储落唔少球迷，始终有种情意结，所以直到依家都係好有影响力。睇番中国足彩，意甲都佔有重要地位，上年意超盃都试过喺北京鸟巢上演，真係仲有市场o架!

　　国米新季咪睇太高

　　讲番新季意甲情况，业界人士普遍认为係两强之争，祖云达斯再次摆下擂台，至于拿玻里就来势汹汹，呢个格局相信冇乜变，至于名牌球队国际米兰新季人脚唔算好叻，咪睇得太高。今次重心推介拣番拿玻里，第一击主场斗弱旅博洛尼亚係大胜格，让到球半都唔怕，要上盘!

　　(周一凌晨2时45分开赛)