新季欧洲联赛重开,其中一队表现最令细鬼失望嘅,係德甲史浩克04。呢支传统劲旅好似食错药一样,前面入埋唔够后面输,不单联赛曳到震,欧联附加赛首回合一样被逼和。听日凌晨次回合史浩克作客PAOK,「蓝军」毫无保留焗攻,捧大盘最好!(有线64及203台周三凌晨2时45分直播)
史浩克去季攞德甲第4,而且欧联亦打入16强,细鬼对呢支攻力强劲嘅球队留有好深印象,球队箭头亨特拉尔有卡士,而法芬、达斯拿亦都好波,右闸内田笃人更加攻守兼备,不过,史浩克今季好唔顺,后防尤其渣到爆,3场联赛竟然失足9球,係目前德甲失波最多嘅其中一队。欧联附加赛对PAOK,谂住係好籤啦,但首回合佢哋浪费多次入波良机,后防又犯下低级错误,最终畀前车路士球场史度治建功,最终打成1比1平手。
冇「猎人」都唔担心
失咗个作客入球,史浩克今次造访希腊冇得谂一定要攻,事关入唔到波就同欧联拜拜。虽然「猎人」亨特拉尔继续因伤缺阵,但计进攻球员级数同决心,细鬼唔担心史浩克入唔到波,后防方面大将哥拉辛拿斯继续倦勤,PAOK有力入波,今场欧联生死战捧大盘最啱!
0/500字
热门产业资讯