爱华顿进入「后莫耶斯年代」，球员仲适应紧新帅马天尼斯打法，英联盃第2圈主场斗甲组仔史提芬纳治难大炒。「拖肥糖」开季2连和，踢来患得患失，加上今仗极大机会派二线兵落场，相信半场冇乜交收，捧1.7倍「半场细」!

　　(周四凌晨2时45分开赛)

　　莫耶斯带足爱华顿11年，本季转教曼联，前韦根教头马天尼斯接掌「拖肥糖」，係个理想人选，但佢唔係神仙，任佢几有料都需要适应期，故「拖肥糖」今季仲未开斋，绝非奇事。今仗马天尼斯肯定想赢，但爱华顿嚟紧联赛要作客卡迪夫城，以马Sir性格，于英联盃初段会派唔少副选应战，主力如费兰尼、巴尼斯等或会休息，战斗力必定削弱。

　　爱华顿近两战对手唔强，但半场都打成0比0，老鼠拉龟情况严重，中坚迪斯甸亦承认，成班队友仲学紧点踢「马式战术」。史提芬纳治开季成绩唔算标青，球队明显守强攻弱，5战半场总入球都唔够2球，斗爱华顿死守有计，捧「半场细」。

　　森林势盛主场得「米」

　　另一仗诺定咸森林主场对米禾尔，米军今季係降班胆，连英冠都未踢掂，森林势盛主场赢得。屈福特主场斗般尼茅夫，般军作客即变软脚蟹，开季2场分别输1比6同1比5，今场捧大!