首回合半力作客和圣加伦

　　今晚欧霸盃附加赛次回合场面热闹，当中Macot最睇好俄罗斯球队莫斯科斯巴达，主场迎战瑞士圣加伦有力轻鬆取胜，1.42倍主W係过关重心，单头可以捧埋2.2倍「让球主胜」。

　　(周四晚11时开赛)

　　呢场係附加赛次回合赛事，首回合圣加伦主场赛和1比1，主队喺比赛末段甚至有机会赢埋，Macot睇完场波，认为圣加伦踢出超水准，不过主要原因係莫斯科斯巴达轻敌，派出超过半队副选上阵留力俄超联赛，摆明睇唔起对手，不过斯巴达教头卡宾喺首回合赛后讲明，唔会再重蹈前届喺呢一轮遭波兰历基亚淘汰出局嘅覆辙，打入分组赛决心鲜明，今场会用最强阵容出击，加上主场之利，形势当然完全唔同。

　　教头卡宾志切反弹

　　莫斯科斯巴达目前排喺俄超第四位，上轮联赛作客输畀阿马卡，全队演出受到批评，卡宾当然希望喺欧霸盃攞番自信，虽然主力中坚波捷迪因伤要长抖，不过佢哋已经向安治挖角成功，买入咗巴西中坚祖奥卡路士，防线实力未见削弱。

　　圣加伦係上届瑞士超季军，今季暂时排第五，无论计球员级数同欧战经验都输成条街，今晚作客面对决心嚟真嘅莫斯科斯巴达凶多吉少。