新球季欧陆连线Louis首次同大家见面，头炮推介係西班牙贝迪斯对捷克积布尼克，双方实力有一段距离，两军都攻强守弱，1.5倍入球大係稳阵之选。

　　(周五凌晨3时30分开赛)

　　睇番首回合赛事，贝迪斯作客都赢2比1，摆明级数较高，佢哋踢咗两场联赛仲未有分袋，分别以1比2输畀皇马同切尔达，但两场比赛表现一啲都唔失礼，球队踢法极主动进取，尤其首仗作客皇马几乎抢分成功，球队决心喺欧洲战场攞好成绩，今晚虽然有领先优势在手，但主场对弱旅肯定唔会踢守势波;Louis呢两季一直有留意积布尼克，呢支捷克球队虽然级数经验不足，但同样喜爱进攻足球，佢哋近八场正式比赛全部有波入，今仗冇心理压力下轻装上阵，当然唔会放过任何偷鸡机会，双方攻对攻入球又点会少?