欧霸盃塞浦路斯尼科西亚主场对比利时华雷根，华雷根首回合主场只能踢成1比1令人失望，不过睇比赛过程佢哋绝对係质素较高一队，全场大部分时间领先同佔上风，喺末段被追和之前仲差啲将比数扩大，赢唔到波相当欠运，今晚虽然主客互易，但Anton仍然相信华雷根有较佳机会晋级，尼科西亚让到半一太过分，推介华雷根下盘。

　　(周五凌晨1时开赛)

　　尼科西亚前季欧联一鸣惊人，杀入八强最终只被皇马踢出局，成绩震动欧洲，不过呢间小球会欠缺财力，一旦出名自然成为列强挖角对象，目前已经人面全非，佢哋喺欧联外围赛畀斯洛文尼亚马里博尔踢出局，表现令人失望，今仗就算主场都难睇好;华雷根係上季比利时甲组最令人惊喜球队，计级数绝对唔蚀，今届欧联外围赛输畀大球会燕豪芬非战之罪，佢哋对欧洲赛十分重视，加上向来擅于作客，今晚有力偷鸡。