寻日凌晨荷兰球队阿尔克马尔喺欧霸盃主场对希腊代表艾杜美图斯，赛前出面啲风一面倒吹捧客队，多个大户纷纷出手买咗几浸艾杜美图斯下盘，结果阿尔克马尔开波冇耐就打少个，有冇咁巧合啊?

　　原来好戏在后头，场波喺下半场踢咗十几分钟，球场突然发生火灾，赛事宣布腰斩，当时艾杜美图斯赢紧一粒，两队喺香港时间寻日下昼踢埋最后嗰三十分钟，艾杜美图斯最后赢够两球开出下盘，但有庄家计腰斩斋退款，搞到班下盘客见财化水!

　　意外嘅嘢有时好难预计，但喺下盘咁聚飞嘅嘅情况下发生呢种突发状况，难免令人谂好多嘢，肥叔唔敢妄下判断，亦唔会一口咬定场波有问题，只係纯粹分享场波嘅博彩资讯。

　　诺域治主场好硬淨

　　肥叔几时都话赌波要拣可靠嘅联赛，喺公平、公正、公开嘅环境下落注，起码有数得计，赢输一件事，最紧要公道。英超能够成为全球最受欢迎嘅联赛，就係因为透明度高，绝少出现负面新闻。

　　讲番今次推介，修咸顿今季大肆增兵，实力评级被大幅调高，但呢班波作客唔係特别醒，今次造访诺域治冇乜优势，「金丝雀」主场好硬淨，平手盘博得过!(now 624周六晚10时直播)