近期拜仁慕尼黑这支德甲班霸战绩依然「坚挺」，执笔之时更刚捧走欧洲超级盃，但战绩好不代表球迷收货，留意一众拜仁粉丝对哥迪奥拿批评、对球队表现未够「精彩」而睇澹其前途，甚至高呼：「不如由森马接手啦!」

　　潜在任务 领德足「西」化

　　哗!有冇心急咗啲呀!哥帅初嚟埗到有几耐?有冇谂过如果真係一成不变大家又会话佢冇料到?坦白讲，正式开季后往往係赢形势但入波有困难，赢得唔够爽拜仁迷自然「不爽」，更揶揄哥帅咪再用巴塞嗰一套乱搞拜仁。其实我觉得几好笑，那即是说他有Plan B，而Plan B又掂喎。起码我相信他这「另一手」计划比起在巴塞时做得更出色，重要係斗志士气保持，对车路士战至最后一刻至追平就知啦!球员仍然信佢，而令德国球队重拾昔日血性尤其重要，还记得前季欧联决赛互射12码时德国人心理防线崩溃吗?

　　哥帅另一潜在重大任务，就係间接令近年极力参照西班牙控球模式嘅德国队有最大得益，你知我知，拜仁球员是国家队的大户，由哥帅这西班牙人每天来传授总优于真正需要受质疑嘅德国主帅勒夫，所以你话我妙想天开也好，我相信西班牙教头到来係有德国足协幕后Back Up，係战略性需要，係掀起另一次「足球战争」。

　　所以哥迪奥拿呢次「行动任务」的意义用途可谓超越历来任何一位教练，至少比起奇连士文……拜仁粉丝更值得给予他多一点耐性。