大户睇起冇死错人

　　近年新加坡、马来西亚、越南及柬埔寨等地博彩业发展得唔错，呢啲博彩公司同欧洲庄家最大嘅分别係资讯科技水平冇咁高，梗係冇人咁完善o架喇，但起码做到百花齐放，博彩气氛相当好。

　　部分东南亚国家直头发牌畀人做庄，唔使偷偷摸摸喺地下搞。生意係就係有得做，但始终都係好难做，斋做散客冇乜作为，同班职业赌徒斗智斗力就要冒极大风险，若果风险管理做得唔好，分分钟出事，再加上同业之间竞争好大，搵食真係好艰难。

　　今晚有多场重量级大战。英超「双红会」成为市场焦点，普遍庄家开平手，部分行家开利物浦让平半，曼联下盘低水。自莫耶斯领军后，「红魔鬼」评级被调低，上次主场对车路士都有平手，班波踢落冇走样，今场肥叔睇好曼联。

　　作客乌甸尼斯受让笋

　　至于意甲球队帕尔马上周获大户大力支持，结果飞到波唔到，唔少跟风客损手。班大户向来识计数，佢哋睇得帕尔马咁高，点会死错人吖，今次佢哋作客乌甸尼斯退晒热，现时受让半球，盘口着数，跟多场冇坏，要下盘。(周一凌晨2时45分开赛)