人脚超班有馀力争盃仔

　　狼队英甲超晒班，有馀力争盃仔!英格兰锦标赛第1圈赛事，狼队主场斗同级嘅华素尔，主队人脚超劲，虽预料奇云杜里、大衞艾华斯等主力都将被收起，但奥哈拉、巴卡利沙高同安东尼科迪都会落场杀敌，华素尔英联盃输畀史笃城回唔切气，热捧1.58倍主W!

　　(周三凌晨2时45分开赛)

　　狼队今季羞家跌落甲组，但意外地留到唔少星级球员，班波条嵴骨仲喺度，有利争取升班。佢哋联赛开咧取得4胜1和，目前係英甲做紧2哥，有力分心抢吓盃仔。英格兰联赛锦标赛係由英甲同英乙48支球队角逐，讲荣誉当然唔係啲咩大盃，但係狼队目前最欠缺嘅就係信心，球队需要不断赢波，以证明队波仲係掂;係联赛有理想表现下，有理由相信狼队会搏埋英锦标。

　　华军连败回唔切气

　　预料狼队领队积奇治今仗会收起利治格菲斯、奇云杜里等主力，不过因为队波人脚太劲，半力出击已经够杀。相反华素尔于英联盃畀史笃城淘汰后，上周六联赛主场又输，班波明显未回得切气，捧主W啱数。

　　另一场英锦标基宁咸主场对奥连特，后者喺英甲全胜Sharp醒排榜首，但唔代表会全力砌盃赛仔，依家捧场怕追宝尾，要让波宁捧番主队。而宾福特主场战AFC温布顿，宾军英联盃吞打比郡5蛋，搵人出气必丧攻，捧大。