「幼狮」新帅上任三把火!今晚英格兰U21坐镇主场迎战摩尔多瓦U21，展开U21欧国盃外围赛嘅征途，「幼狮」聘得名宿修夫基掌舵，佢亦唔敢怠慢，召入曼联双星韦费特沙夏同连格，火力全开，誓要搵鱼腩摩尔多瓦U21祭旗省靓招牌，「让球主胜」让两球都捧得过。

　　(now 621周五凌晨2时45分直播)　徵召红魔双星显决心

　　英格兰U21近年喺皮雅斯带领下愈踢嚟愈曳，今夏U21欧国盃决赛周三战皆北羞家出局，阿皮亦告落镬。「幼狮」最大问题係心理质素差，大赛发挥唔到水准，上仗喺冇压力嘅热身赛就豪派苏格兰六蛋。上月尾英足总委任名宿修夫基接掌帅印，呢位前米杜士堡领队当然唔想失威喇，立即徵召曼联前线新星韦费特沙夏及连格，其中连格喺夏天嘅亚洲之旅频有士哥，亦擅于为队友铺桥搭路，佢同韦费特沙夏喺边线快到甩辘，配合新特兰长人中锋域咸中路抢点，定必擦出火花。

　　摩尔多瓦U21一向遇强队即脚软，之前对住英军细佬威尔斯U21都输波收场，况且呢场係「幼狮」首场外围赛，挟住大炒苏格兰嘅馀威，修帅希望喺自己地头大胜一场响头炮，斗心唔使怀疑，「让球主胜」捧得过。