今晚H组赛事英格兰主场迎战摩尔多瓦，原本係强弱悬殊，但「三狮兵团」感染大伤「锋」，先有朗尼退队，史杜列治及迪科尔等射手亦受伤患困扰，面对摩尔多瓦奋力顽抗，随时老鼠拉龟冇碇埋手，不如转玩入球细。

　　(now 621周六凌晨3时直播)

　　朗尼退队 史杜列治负伤

　　英格兰锋线多伤兵，曼联前锋朗尼因对利物浦赛前训练撞爆额头，迫不得已退队，佢仲将受伤图片摆上社交网，证明自己唔係诈伤。佢预计要抖三周，英军冇咗呢位灵魂人物压阵已经湿滞，但人衰行路打倒褪，开咧三场英超入三粒嘅红军箭头史杜列治亦拉伤大腿，日前缺席操练，连热刺射手迪科尔亦告受伤，由于下周要作客出线劲敌乌克兰，老帅鹤臣为安全起见，未必会让两人喺今仗搏杀，前线得番韦碧克及列基林拔可用，攻力大打折扣。

　　弱旅摩尔多瓦有自知之明，一定摆出血肉长城迎敌，佢哋曾经打和波兰及乌克兰，仅输黑山一粒，今仗入波都係一球起、两球止，大细中位数提升到3.5球，捧细好路。