今个星期喺东京拍有线娱乐平台嘅《快乐地球》，当然唔少得去男士们喺天堂歌舞伎町，不过就见唔到呢排Hit爆港、日、台嘅拓也哥囉!我睇日本男仕最喜欢嘅当然唔止歌舞伎町，日本国家足球队亦都係全民骄傲嚟o架!

　　日本已经係世界盃嘅常客，当然包括埋下年嘅巴西决赛周啦!日本足球可以话係全民运动，搭车时都见到唔少真草足球场。而喺「孖屐亭」方面，日本人咁叻包装，就梗係出埋一堆堆好靓同好吸引嘅产品，要班拥趸睇波之馀仲要破费，当中又点少得球衣，不过价钱贵，8算都要过千蚊件，惟有买啲平平地嘅小物啦!

　　让两球太辣玩唔过

　　小妹觉得而家嘅日本国家队都算排喺二线头，实力未必係最强，但加埋拚劲就绝对可以同一线劲旅斗过。日本上个月主场友赛乌拉圭虽然输咗，但表现就一啲都唔失礼，重可以提升埋球员间嘅默契添!呢个亦係投注日本嘅最佳原因，因为佢哋真係永冇揸流滩。除咗今晚同危地马拉拍跳之外，日军下周二仲会对加纳，除咗日职嘅本土球星外，香川真司、本田圭佑等星级战将都会归队，证明佢哋真係好认真咁对待对手。

　　问心，小妹对危地马拉嘅认识真係唔多，不过睇佢哋近10场赛事赢唔到都知叻极有限，之前对美国同阿根廷一共失咗10球。小妹前排喺美洲金盃见识过啲北美球队，大多数都係甩皮甩骨，危地马拉连决赛周都入唔到，咁大家都知「队如其名」啦!不过，今场马会开出「-2」 盘口实在太恶，最近一个月开「-2」嘅盘口，上盘都好难顺利开出，稳阵啲都係拣半场主胜算数。

　　(有线61及201台周五晚6时25分直播)