势劲无惧斯洛文尼亚

　　近日去完多国行咗个圈，深深感受到生意有几难做，佢哋唔单止要与本土同业竞争，仲要硬撼欧洲博彩公司，真係唔容易。欧洲博彩业发展饱和，需要搵新出路，唔少公司都向东南亚市场埋手，令到竞争愈来愈激烈。

　　欧洲博彩公司进军东南亚

　　欧洲赌波公司喺博彩资讯方面真係赢晒，佢哋无论大小赛事都开盘，亚洲地区青年级别比赛都唔放过，有时甚至会提供埋即场数据畀客人参考，欧洲大型比赛有射门数字就话唔出奇，连呢啲四、五线赛事都有数据，真係招呼周到。欧洲庄家资源係多，但都唔会每个地方都摆人睇波，佢哋主要靠数据公司提供资料，至于啲统计数字到底係咪如实反映晒赛事战况，咁就真係好难讲喇。

　　国际赛周例牌难搵重心，都係小注怡情。E组阿尔巴尼亚作客斯洛文尼亚，论名气斯洛文尼亚梗係大啲啦，不过，阿尔巴尼亚喺今届外围赛愈踢愈醒神，两战挪威唔使输，唔觉唔觉杀咗上次席，依家个势都几犀利，今次对住斯洛文尼亚继续有得受让，呢隻下盘博得过。