澳洲后防老化难挡尼马

　　南美劲旅巴西喺主场约战澳洲拍跳，巴西以无敌姿态捧走洲际国家盃，霸气十足，淨係一个尼马都足以玩谢敌军后防。「袋鼠兵团」青黄不接，后防仲用紧老将尼尔，点顶啊?预期巴西半场已可入几粒奠胜，捧2.1倍半场大!

　　(周日凌晨3时15分开赛)

　　先同大家分析今次澳洲阵容，由于进攻重心卡希尔受伤缺阵，前线预期会用名古屋鲸鱼中锋约舒亚坚尼地攻坚，呢个老牌射手近况都算弗，但球队作客出战预咗捱打，查实出边个打前锋冇乜分别，都係要靠死球争取士哥。澳洲前线冇料到预咗，最大镬係后防都唔掂，年届35岁嘅防线重心尼尔最近先喺日职球队大宫松鼠落到班，佢个拍档奥尼洛夫斯基都已经34岁，两个高龄中坚唔够快、转身慢同冇速度，即使挡得住尼马，都顶唔到柏图啦!

　　乡亲面前唔会揸流摊

　　南美球队踢热身赛从来都唔可靠，巴西上次喺热身赛不敌瑞士，足以反映佢哋踢太公波时绝对够胆死揸流摊。不过，今次巴西喺自己地头作赛，班兵点都要落力多少，大军能够喺洲际国家盃技术性击倒世界1哥西班牙，足见佢哋主场踩行油真係好得人惊，加上巴西下年搞世界盃，点都要保持正面形象，点都会肉紧啲。巴西阵中主要伤兵包括右闸丹尼尔及射手侯克，两个都唔係不可或缺嘅球员，只要发挥正常，半场已可搞掂澳洲!