日本丙组仔专钓大鳄

　　日本天皇盃係爆冷温床，上季喺第二圈已有唔少令人意外嘅战果，睇匀周日咁多场波，最锺意JFL(日本第三级别联赛)一哥讚岐卡马达马尼，佢哋会造访日乙名牌球队千叶市原。市原挂住争升班，势派副选敷衍了事，苏豪博「让球客胜」!

　　(周日下午3时开赛)

　　日本职业足球联赛下年会有新变化，赛会已经拍板搞J3联赛取代JFL成为国内第三级别联赛，暂定有十二队参赛名额，合资格参赛队伍会喺年尾公布，日职官网都整定个J3准备室版面。

　　讚岐卡马达马尼嘅日职「准加盟申请」已获批，呢支JFL一哥若能保持水准，有望取得升班席位，下季直头可以踢日乙。讚岐射手西野泰正同高桥泰本身都有日职经验，大军人脚其实唔曳，今次越级挑战强敌绝对有得挥!

　　市原派后备让唔起

　　千叶市原係日乙前列球队，阵中拥有曾効力爱华顿嘅甘比斯及日本球星森本贵幸等星级射手，星味同实力都在讚岐卡马达马尼之上。不过，踢波唔係斋讲实力，幕后人意向都好重要，市原以重返日职为首要任务，未必会喺天皇盃搏尽。据日本传媒报道，佢哋今战应会派副选上阵，现年十九岁嘅中场小将井山遥也都有机会披甲。讚岐上届于第二圈越级踢走鸟栖砂岩，今场市原主W有1.63倍明显热唔透，似乎捧受让嘅讚岐卡马达马尼较稳阵。