今日以二线联赛做主打，阿King就睇中英甲独脚戏高云地利主场硬撼高车士打。虽然高云地利防线犹如不设防，但胜在射手哥林威尔逊入球停不了，适逢高车士打状态低迷，高地定必火力全开唔会缩，入球大不容错过。

　　(周日晚10时开赛)

　　高云地利之所以排紧包尾，只因佢哋财务问题被赛会扣咗10分，经过一轮努力已连追8分，回复正数指日可待，并且不断製造惊喜，近两主场开出「主其他」及「和其他」。

　　后防穿晒窿唔紧要，由哥林威尔逊、李安奇勒及比利丹尼斯组成嘅三叉戟全面挞着，索性以攻代守豁出去，其中哥林威尔逊以6球暂居射手榜榜首，脚风顺到不得了，高地近四战不败怒轰14粒，不愧为英甲入球王，绝对唔係人咁品。

　　相反高车士打近四仗未赢过之馀，上周中喺英锦作客乙组仔杜根咸竟然输够四个一皮，愈踢愈沉，加上尼日利亚守将奥古安哈尔今仗要坐波监，真係雪上加霜，今场难顶高地三叉戟嘅狂轰勐炸。阿King认为淨係靠主队嘅入波都够开大，一于捧大盘。

　　河床当起依丝W

　　至于巴甲方面，包尾大幡纽迪高近六作客有五次淨输两粒或以上，见到都唔开胃，今仗去到劲旅哥连泰斯嘅地头都係任人鱼肉，直取「让球主胜」。

　　最后阿甲老牌球队河床刚于南球盃晋级，士气大振，主场迎战近期连波都唔识入嘅堤格雷，主胜手到拿来。