欧洲区B组，意大利要抢欧洲区出线头啖汤!「蓝衣兵团」今晚主场只要击败捷克就肯定出线，战意非常高昂。「进攻铁三角」巴洛迪利、奥斯华度、蒙杜利禾坐完波监，勐虎出柙锐不可当。特别係「巴神」首循环对捷克「蒙冤」被逐，重遇仇家，以佢好胜性格，必尽数对手洩愤。领队柏兰迪利亦计划排出352阵式，抢攻做大骚，主W1.42倍乏味，投注首选2.1倍入球大。(now 633及660周三凌晨2时45分直播)

　　巴神受屈誓教训捷克

　　意大利领先次席保加利亚7分，今场全取3分嘅话就搞掂，最后两场可当热身赛踢，为免夜长梦多，当然要把握地利优势解决对手。好消息係「进攻铁三角」复出，可以最强攻击人脚出击。「巴神」6月作客捷克，球证认为佢向对手批(月争)，出示第二张黄牌赶佢出场，但慢镜显示对手有「插水」之嫌，令佢受到冤屈，今仗唔好好教训捷克就唔係「巴神」啦!加上奥斯华度、蒙杜利禾、简达华同派路支援，入波机会甚高。

　　352全攻型阵式

　　意军中前场人才济济，攻力有保证，但防守力大不如前。左右二闸卢卡安东尼利、阿比迪受伤倦勤，消息指领队柏兰迪利会改用352阵式，将迪罗斯拖后客串中坚，实行以攻代守，重演6月洲际国家盃有前冇后嘅踢法。

　　捷克亦要抢分争次名参加附加赛，嚟到呢个阶段冇得保留，其实佢哋中前场人脚唔差，中场路斯基、柏拉斯能传擅射，前锋高萨克喺意甲打滚多年，熟悉主队踢法，随时偷到鸡入波，捧大盘最划算。