虽然世盃外围赛烽烟四起，不过衞冕冠军西班牙偷得浮生半日閒，今晚只係假瑞士搵嚟南美球队智利拍跳，「斗牛国」主帅迪保斯基锺意喺热身赛大轮换，一众二线球员如辛迪卡索拉、尼格度难得有机会担正，必施展浑身解数博上位，智利冇压力之下亦唔会缩，阿King认为1.72倍大盘值博。

　　(周三凌晨2时开赛)

　　智利火力猛斗驳火

　　由于今仗对智利只係热身赛，西班牙主帅迪保斯基通常会畀「巴塞帮」恩尼斯达、沙维、法比加斯等休息，不过你唔使替迪帅担心，因为佢麾下大把勐人，好似今季齐齐过档曼城嘅尼格度及捷西斯拿华斯，真係弗到漏油，上仗世盃外作客恶战芬兰，两人后备入场立即有货交，合力炮製埋斋波锁定胜局，延续喺英超嘅强劲势头。

　　虽然阿仙奴核心辛迪卡索拉喺西班牙属冷板常客，重要赛事冇佢份，但却係迪帅嘅热身赛爱将，呢位万能老倌亦好珍惜每次出场机会，过去10次于友赛披甲狂轰6粒，态度正确，今仗又係佢喺迪帅面前争取表现嘅好时机。

　　智利一向进攻大过天，由外流球星维达尔、阿历斯山齐士、伊度亚度华加斯组成攻击线火力唔嘢小，今仗冇乜心理包袱，随时同「斗牛国」合演入球骚，大盘咪错过。

　　卢森堡唔赦残阵北爱

　　至于世盃外欧洲区F组北爱尔兰作客卢森堡，前者除咗中场布拉特同前锋拉菲迪要坐波监外，占美禾特及沙恩费格逊亦肯定因伤倦勤，连艾朗晓士、麦基云及卡夫卡特等均受伤患困扰，伤兵一大箩点踢呀，卢森堡可藉地利之助偷到鸡，受让抵玩。最后欧洲区A组马其顿一向靠主场搵食，近6次喺自己地头出战赢5次，遇上作客脚软嘅苏格兰，主胜手到拿来。