世盃欧洲区外围赛F组上演出线关键战，目前排次席嘅俄罗斯主场斗同组三哥以色列，俄罗斯喺名帅卡比路手上正处新旧交替期，不过佢哋喺小组主场保持四战全胜，始终甚有把握，卡比路为球队注入新血表现亦开始有起色，今仗于全场爆满嘅辛尼特主场出击，面对近况不济嘅以色列赢面甚高，Anton推介「让球主胜」。

　　(周二晚11时开赛)

　　俄罗斯较早前作客接连不敌葡萄牙同北爱，出线形势响起警号，卡比路迅即作出调整，上仗执过防线，莫斯科戴拿模嘅格纳同库班嘅高斯洛夫都得到正选上阵机会，球队演出亦有改善，主场大胜卢森堡重返胜轨，另外几名新人莫斯科戴拿模前锋史莫洛夫，辛尼特中场萨多夫同莫斯科中央陆军守将舒希尼哥夫亦令球队演出更具生气。至于主力箭头基沙哥夫上仗取得入球，状态同信心都返晒嚟，只要今仗喺主场赢埋以色列，就可以超越葡萄牙重返榜首，战意一流。

　　班拿约冇班落遭弃用

　　以色列上仗对阿塞拜疆，原本以为可以轻鬆取胜进一步挑战榜首双雄，点知主场吃闷棍被摸和，而且表现进退失据，睇过程竟然係唔输都有运嗰隻，演出令人极度失望。以色列今仗人脚唔齐，队长班拿约遭车路士弃用后仲未有班落，今次亦被弃用，加上主力守将迪比坐波监，作客唔够俄罗斯砌。