三条战线今铺遇弱出副选

　　今日有场日本天皇盃第二圈赛事，日职2哥浦和红鑽主场对JFL(日本第三级别)球队枥木葡萄，红鑽近期兼顾三条战线，既要喺联赛争冠，日联盃亦打入4强，依家仲要应付埋天皇盃比赛，铁打都死啦，今仗对住弱旅係回气好时机，预期会用二线兵hea踢，入球大细中位数改成3.5球，推介1.77倍细盘!

　　(周三晚6时开赛)

　　浦和红鑽刚于日联盃四强作客恶战川崎前锋，佢哋凭射手兴梠慎三梅开二度领先两粒，但最后竟然虎头蛇尾输2比3，赛事尾段两分钟内连失两粒，见到后防明显唔多集中。红鑽球员质高就係人都知，但呢班波近期实在要兼顾太多条战线，难免会有疲态，今次天皇盃对手实力麻麻，预期大军唔会派出最强阵容上阵，让得多真係要小心。枥木葡萄只係第三级别球队，冇能力同红鑽斗攻，今战将会全力做好防守，预期场波未必好多波入，细盘可吼。

　　帕拉尼恩斯主场追「大」

　　同日日乙另一支枥木县球队枥木SC会喺主场对FC爱媛，主队刚于天皇盃大胜同级球队福冈黄蜂，但呢班波近期喺联赛表现只係一般，唔好睇得太高。FC爱媛係日乙着名嘅客场虫，每逢作客例必脚软，主要衰在客场火力弱，细盘值得一试。

　　至于巴甲赛事亦有场好嘢，帕拉尼恩斯主场对富明尼斯，计埋联赛及盃赛，帕军喺主场连赢七场火力十足，撞正富明尼斯防线唔多稳阵，相信今战好有机会大手交易，捧大盘!