爆炸头红魔处子骚孭飞空袭

　　英超早场由衞冕曼联主场迎战升班球队水晶宫，「红魔鬼」主帅莫耶斯搵到嫡系勐将费兰尼帮手，呢个比利时爆炸头今战会担正撑起中场，大军经过联赛两战不胜兼冇士哥后，实会变身急先锋施展勐烈进攻，预期半场已可解决对手，捧「半场主胜」!

　　(now 621周六晚7时45分直播)

　　曼联新帅莫耶斯今夏增兵诸多阻滞，兜兜转转最终都係签番爱华顿旧部费兰尼，查实「红魔鬼」现时最缺乏莫迪历呢类创造型中场，但签到费兰尼呢个全能中场总算好过冇，佢擅于利用爆炸头扰乱对手视线，抢顶成功率极高，可增强中场空战能力，佢同时可以后上攻门，令球队多瓣进攻板斧。曼联射手朗尼因伤头缺阵，右闸拉菲尔达施华及菲尔锺斯有伤上阵成疑，其馀主将都可候命，够杀啦!

　　水晶宫蛇无头捱打

　　水晶宫上季升班两大功臣係格连梅利同韦费特沙夏，前者仍然养紧伤，后者加盟咗今战对手曼联，将会掉转枪头，令两队差距进一步拉远。经过三周联赛后，三支升班球队都成功开斋，水晶宫休战前成功砌低新特兰，发挥确係唔错，但讲到组织攻势嘅能力，佢哋唔及侯城同卡迪夫城，踢落冇乜章法，今次去到奥脱福睇怕都係捱打。水晶宫教头荷路维今战仲要停赛，只能遥控球队，相信凶多吉少。

　　双方最近一次碰头係喺2011至12年度球季联赛盃八强战，当时水晶宫爆大冷喺作客环境下加时后赢二比一，不过，当日「红魔鬼」几近派出全副选，前面用马捷达同马美迪奥夫呢类后备兵，战绩不能作准。经过连续两场硬撼车路士同利物浦加埋仅得一分后，曼联新帅莫耶斯已感受到压力，今次一定会落柯打要班兵速战速决，一于热捧「半场主胜」!

　　领队Chit Chat

　　莫耶斯(曼联)：费兰尼技术出众，可以适应中场唔同位置，又识入波，可以令球队变得更强。佢依家仍然好年轻，仲有大把进步空间!

　　荷路维(水晶宫):我深信班兵够料打英超，今场唔会泊架巴士喺门前。两年前我喺电视睇过水晶宫点样砌低曼联，希望可以重温好梦啦!