无论係大公司定大球会,每隔三几年总会有啲人事变动,当管理层换班时,不论政策同方向都会有唔同,就算个阿头几有料都好,点都要时间适应,情况就好似拜仁慕尼黑咁,新帅哥迪奥拿一定係有料之人,但现阶段仍处于摸索期,若单以现时球队表现就对佢作出评价,未免太急同太快!
哥迪奥拿能够将巴塞隆拿打造成地上最强球队,功夫仔梗係有番咁上下啦,之不过每间球会文化都唔同,佢去到拜仁既要安抚前朝遗臣,同时要为自己建立一个新班底,班波踢落难免会冇咁稳定,踢起嚟冇咁顺亦唔难理解。由于拜仁被庄家评为欧洲顶级球会,例牌让得辣,趁班波未夹熟,依家係反佢哋嘅最佳时机,今晚大军主场对汉诺威让得多,下盘值得留意。
纽卡素踢落唔对办
讲番今次重心场次,阿士东维拉主场对纽卡素,建议捧主队!维拉上季沉沦榜下游,当时肥叔已经多番指出呢班波其实并唔係咁曳,而最终佢哋都成功留到级。死过翻生之后,维拉新季踢落果然唔同晒,头几场连撼几大劲旅不落下风,真係唔讲得笑!维拉个阵愈执愈好,今季一定唔使护级,反观「喜鹊」踢落唔多对办,今场维拉只係小让平半,上盘有计啦!
(now 624周六晚10时直播)
0/500字
热门产业资讯