清水心跳对名古屋鲸鱼，心跳睇牌面蚀章少少，胜在赢开有条路，连续两场击败大分三神同鹿岛鹿角，全队踢出士气，之后同西悉尼流浪者友赛握手言和，加埋喺天皇盃赢波都延续到呢股气势。

　　前线高木俊幸状态好之馀，仲有分别喺杜塞尔多夫同水原蓝翼借返嚟嘅大前元纪、列当锡都迅速融入球队，成为数胡主力，呢个亦係支持清水心跳嘅最大原因。

　　心跳势头好，联赛榜已经追贴中游，鲸鱼日职7月重开后原本势头好劲，但最近4场联赛只赢过榜尾嘅大分三神，啱啱天皇盃更爆冷被弱旅淘汰，佢哋仲要后防告急，石柜洋祐同丹尼尔施华停赛，田中斗莉王又因伤缺阵，咁当然宁买当头起支持心跳啦!希望赢番多少「赞助」我买番件恨咗好耐嘅日本国家队波衫就正喇!

　　(有线64及203台周六下午2时直播)