德甲尾场多蒙特主场斗汉堡，多蒙特係目前联赛唯一长胜军，面对上季双杀佢哋嘅大仇人汉堡，当然会加多两钱肉紧，汉堡踢法开放攻强守弱，今晚喺西法伦球场预期会係一场对攻好戏，入球大细中位数调整到3.5球照捧大盘。

　　多蒙特上季季初作客汉堡输2比3，次循环主场仲衰到1比4被大炒，呢啖气又点啃得落?虽然多蒙特今季主场两战都只能小胜，但要留意所遇嘅对手都採用龟缩战术，但汉堡就唔识踢呢家波，场场同对手斗攻，有利于多蒙特快速反击，预计入球唔会少。

　　此外，多蒙特啱啱同中国电讯公司华为签妥赞助合约，华为将喺西法伦建立可供超过4万球迷同时上网嘅全德国最大球场无线网络。

　　法兰克福全日重心

　　除咗呢场大盘，黑柴全日重心落喺云达不来梅主场对法兰克福(周六晚9时30分开赛)，主队财困实力不断下滑，今季改由杜特执教更变为死守球队，喺转会窗关闭前仲将技术型前锋阿拿奥杜域廉价卖埋畀史笃城，今场仲有中场大将祖奴苏域因伤缺阵，面对质高一皮兼状态渐起嘅法兰克福唔够砌，平手盘黑柴强捧客军。