史笃城踢法硬淨霸道，正正係曼城花拳绣腿嘅剋星，主场出击唔赦强敌!今场英超睇牌面梗係曼城高啲，但佢哋国脚众多，国际赛期后得番半条人命，加上近5次联赛作客史笃城不胜，让波捧番主队!

　　曼城本季换帅，球队推进比上季缓慢，新兵除尼格度外表现平平，故开咧后成绩麻麻。主力大衞施华，刚于国际赛期受伤今战上阵成疑，阿古路又要飞返南美比赛，加上队长高柏尼继续倦勤，今场作客分分钟踩蕉皮。

　　尼桑斯炒车不顾而去

　　史笃城本季劲连赢3场，而且自08年升班后，英超主场未输过畀曼城，一班战将信心爆棚。主帅晓士当日被曼城无情炒鱿，肯定怀恨在心，今场球队有机攞分，细盘亦可兼顾。此外，史笃城中场尼桑斯，前日于曼彻斯特唔守交通规则，令尾随一架单车失控撞埋佢车尾。单车司机叫佢赔钱，尼桑斯话自己係外国人，个单车手搵唔到佢，并施施然鬆人。最后网民认出肇事者係尼桑斯，目前警方已调查事件。