意甲今日有场维罗纳主场对萨斯索罗，相信大家对呢两支升班球队都好陌生，我哋就一早放咗针喺嗰边收料，希望帮到大家。

　　萨斯索罗1922年成立，规模好细，球场连意乙规格都符合唔到，08年开始要借用邻近嘅摩德纳主场球场用。萨斯索罗主帅係前罗马中场迪法兰斯高，佢曾经做过佩斯卡拉同莱切嘅教练，崇尚进攻足球。上季萨斯索罗亦係意乙入球王，球队有前无后，仲要係对乜队都唔惊照攻，季前热身赛顶替国际米兰踢TIM盃，竟然压倒祖云达斯同AC米兰捧盃，就知呢支球队係几癫。

　　熟晒路开波就斗攻

　　维罗纳阔别意甲11年，今季有星级老将东尼加盟，上次主场靠佢入两粒杀败AC米兰，球队中前场都有啲料到，今次对住齐齐升班嘅萨斯索罗熟晒路，相信唔使摸索，都係一开波就攻，今仗开大机会高。

　　(周日晚9时开赛)