庄家开盘会受好多因素影响，其中一样係名气。睇番英超，利物浦近年虽然冇脚好波，胜率又唔突出，不过因为个名大，所以对亲中下游球队都会让多咗，周时出现唔合理盘口，睇通睇透嘅朋友，相信已搵到唔少着数。

　　讲到荷兰波，你会谂起边队?梗係阿积士、燕豪芬、飞燕诺啦，唔少散户一见到呢3支名牌就阖埋眼买佢哋赢，有咁嘅趋势，相关劲旅个W肯定冇肉食。去到荷乙，好多人唔知阿积士青年队实际上係乜头乜路，就认定佢哋係劲旅，故此相当聚飞。

　　今轮阿积士青年队主场对威廉二世，客W竟被压低到1.78倍，主W高开到3.4倍，一睇就知对「阿青」冇信心。睇番个绩，威廉二世作客不嬲唔掂，今季3场客战输2场，但客W一样热透，信庄家捧客胜。

　　(周日晚8时30分开赛)