達拉斯散晒侯斯頓起筷
2012/06/16文:Combo King
阿King最近對美洲波特別有心得，今日睇中一場美職侯斯頓戴拿模主場對FC達拉斯，FC達拉斯狀態曳到唔恨，真係人人都蝦到佢，侯斯頓戴拿模坐鎮主場冇有怕，主勝實食冇黐牙。

FC達拉斯近八仗未贏過之餘，仲輸足六場，齋計作客，近七場就輸夠六場，真係見到都唔開胃。雖然侯斯頓戴拿模成績麻麻，但同該隊太多作客賽事有關，主場出擊仍交足貨，今季兩戰全勝，難得遇到魚腩FC達拉斯，仲唔盡數搶分咩？主勝非常值博。

高士路半場和好路
再睇吓兩場巴甲，高士路今季踢得保守，經常留前鬥後，因此半場互交白卷並不少見，今仗對手費古倫斯作客以穩陣行先，合晒高士路合尺，呢個半場和值得留意。至於國際體育會開季表現唔錯，至今未嘗一敗，中前場如迪阿歷辛度及李安度達美奧保持水準，攻力有保證，對手保地花高突然變得入得又失得，近四場均至少有五個士哥，看來雙方會合演一場入球騷