毕尔包今晚上演「新主场揭幕战」，喺西甲迎战切尔达!「巴斯克雄狮」表现回勇，今晚肯定会喺新圣马美斯球场首战做番齣好戏，让半一当然捧1.82倍上盘啦!

　　(开赛时间：周二凌晨4:00)

　　切尔达开咧3战都有失波

　　新球场开幕，对于出名死忠嘅毕尔包球迷嚟讲，当然係超级盛事，睇吓「雄狮」上周五首度喺新主场作公开操练，吸引到过万名球迷入场就知啦!毕尔包经历上季低潮后，今季换上新帅领军，联赛首两战都赢波，上仗就算输畀实力高几班嘅皇马，仍然争取到入球，斗心明显比上季好得多，除咗迪马高斯同蒙尼恩保持好表现，走唔成嘅安达靴里拉亦都讲明会专心为「雄狮」搏杀，斗志爆晒灯。

　　上季要护级嘅切尔达喺首3场联赛保持不败，的确令人意外，不过要留意嘅係佢哋呢3场嘅对手只係爱斯宾奴、CF格兰纳达同放走咗唔少主力嘅贝迪斯，实力唔强，何况切尔达3场都有失波，证明防线唔稳阵，作客气势正盛嘅毕尔包，怕且要输波喇。