云尼亚里要报答班主「豪装」

　　做人最紧要识得知恩图报，好似摩纳哥教头云尼阿里咁吖，早两日讚老闆喺今夏转会窗扫货令佢喜出望外，「豪装」过后对冠军都冇要求一步到位，遇着个咁好嘅「波士」，今晚法甲喺主场迎战罗连安特当然会砌尽「报恩」，吼实1.83倍「让主」。

　　(开赛时间：周日晚8:00)

　　云尼阿里最近接受《米兰体育报》专访，讲到自己喺夏天转会窗(目及)实占士洛迪古斯同积臣马天尼斯嗰阵，班主突然问佢锺唔锺意法卡奥，回答锺意即刻开定支票，随后对方知道自己对干度比亚有兴趣，二话不说又豪掷1,800万欧元激活买断条款。难得摩纳哥大举扫货后，班主话球会发展要循序渐进，今季联赛只以三甲为目标，咁好嘅「波士」去边度搵?

　　再者法卡奥登陆法甲后明显超班，伙拍利维亚尼攻坚更加予取予携，包办摩纳哥至今8个联赛入球。至于法国新星干度比亚可以顶替养伤嘅杜拿兰之外，摩天奴同占士洛迪古斯呢对勐将加盟后未获重用，静候机会上位，今场遇着联赛作客吞蛋两连败，兼夹箭头艾利亚迪里同基西亚打晒柴，中场10号仔哥达迪亚亦都伤咗大腿筋嘅罗连安特，简直係用牛刀劏鸡，赢两球閒閒哋。