歐國盃：「狂牛」發火大戶都中招
2012/06/16文:Samvo肥叔

歐洲名牌球隊意大利鬥克羅地亞，初盤意軍讓平半，大戶一早出手支持克羅地亞下盤，臨場意大利瘋狂回飛，開波前變咗平手盤，仲要有八水，雖然上半場意軍佔優，但換邊後佢哋走晒樣，結果畀克羅地亞逼和，又一次見證班莊家專家計得有幾準，半個盤都唔放過！

不過，尾場愛爾蘭對西班牙受讓球半、兩球，西班牙確係讓多咗，班大戶用程式博彩，計到下盤有着數，於是一窩蜂走晒去掃貨，殊不知愛爾蘭踢落完全唔夠打，大戶下盤買完一浸又一浸，愛爾蘭輸完一粒又一粒，最終吞夠「狂牛」四蛋，令班博彩專家跌晒眼鏡，焦頭爛額，真係多得佢哋唔少！

波蘭小讓捧得過
講番今個賽日啲波，東道主波蘭面對捷克，波蘭最初打落有啲拘謹，但愈踢愈好，經過兩場賽事熱身後，今仗係矛頭所在，呢場波佢哋亦係非勝不可，以大軍現時人腳同實力，對住捷克完全夠砌，況且今次仲有主場之利，條件四正，小讓平半絕對係出擊盤口，大家可以放心提早捧場！

同組俄羅斯面對希臘，俄羅斯呢場輸波會出事，唔可以掉以輕心，以波論波，希臘唔係佢哋嗰皮，呢場俄軍讓半一係合理盤口，上盤有計！

肥叔心水
波蘭上盤

俄羅斯上盤