歐國盃：「腦殘」踢爭氣波博先有士哥
2012/06/28文:力奇

「德意戰」特別項目揀咗風雲人物巴洛迪利做主角，唔計2.1倍「上述事件沒有發生」，最熱嗰瓣竟然唔係「入球」，而係3.8倍「黃牌」，證明「腦殘」畀人印象都係容易失控，失驚無神都會攞牌。不過，力奇就認為已經衰過「單刀散步」嘅佢，經過4場熱身，所有失控行為都已經試過晒，係時候打番場爭氣波，始終佢係射術出色，今場博佢「入波」有5.25倍，其實幾吸引o架！

講番角球嗰瓣，大細中位數係10.5球，睇番德國之前4戰，除咗圍攻希臘喺自己單方面有10個角球外，其餘最多都唔夠5個；至於意大利首戰對西班牙玩死守，佢哋自己又只得2個角球，睇嚟今晚4強大戰大家玩謹慎，都係博1.9倍角球細啦！