聖羅倫素兩球在手放生聯合隊
2012/07/01文:自由恒

阿根廷聯賽嘅升降制度相當複雜，首先係計近3季嘅平均分，只要好天擔埋落雨柴，單一季表現再差亦唔會出事。至於同乙組3、4名合演嘅兩回合計升降班附加賽，賽制就更騎呢，甲組嗰隊總比數唔一定要贏，打和都足以護級成功。

近4屆附加賽冇球隊連勝
由於總比數打和都唔使死，若果甲組嗰隊喺附加賽首回合領先，間接鼓勵佢哋喺次回合放軟手腳，難怪對上4年嘅附加賽，冇一隊可以連續兩回合贏波。

首回合嘅阿甲附加賽已經喺上周中進行，聖羅倫素就作客擊敗乙組季軍聯合隊2:0，護級成功機會高唱入雲，次回合返主場唔贏都冇問題，再者佢哋喺今季阿甲秋主場9戰僅贏4仗，勝出率一半都冇，今場不妨博受讓嘅聯合隊1.82倍「讓球客勝」。

足球重心：聯合隊

馬膽推介：8場F總統之光

上場初出跑變化場地輕取2班中堅分子「華美之星」，實力明顯超班，唔似純粹係濕路專家咁簡單，事隔個半月後再作季內第2擊，體力遠勝已經搏足全季嘅對手，篤定再捷。

首回合：聖客勝2:0