歐國盃：熱捧「馬里奧」神射手好易輸水
2012/07/01
巴洛迪利今屆表現出色，球迷已經封咗佢做「超級馬里奧」。
 
 

射手榜暫有5人累積3球並列榜首，其中已經畀球迷封為「超級馬里奧」嘅巴洛迪利只要再入波就好大機會獨享榮譽，皆因其餘4人所屬國家隊都出晒局。

唔同2010世盃，射手榜相同入波嘅話再計助攻，歐國盃神射手有並列呢回事，92年一屆就有4人分獎。如果你喺足智彩買咗某名球員做神射手，最後累積入波同其他球員平頭，咁你所得派彩就係你所買嘅球員，乘番賠率再除並列人數而定。

照目前足智彩賠率，馬里奧高美斯同C朗同樣有4.4倍，但由於兩人都已經冇可能獨享神射手，即係話依家先至買嘅話，就會連本都收唔番；巴洛迪利目前得2.2倍，如果佢最後維持3球要同其他3人「瓜分」，10蚊注每注就收番一半都冇！